Çarçewaya Festîvale 4ê Nîsane de ya ke bi wesîleya rojbîyayîşê Rayber Apoyî di rojî yo qezaya Xelfetî ya Riha de yena kerdene, rayraşîyayîşêk ame kerdene.

Şaro ke saetanê serê sibayî de Parka 4ê Nîsane de ame têhet serkêşîya TJA de rayraşîyayîş kerd. Wekîl û hemşaredarê DEM Partî, îdarekarê DBP û dayîkê haştîye zî tewrê rayraşîyayîşî bîyî. Rayraşîyayîş de fotografê şehîdanê Amara Mustafa Dad û Mahsum Karaoglanî ameyî kiştene.

Rayraşîyayîş de dovîzanê sey ''Rêberê me heqiqata meyê", "Rojbûna tê piroz bê ey Serok Apo", "4 e Nîsanê dengê heqîqetê ye", bale ante xo ser. Cinîyan zî bi slogana  "Jin, jiyan, azadî" û fotografanê Rayber Apoyî serkêşîya rayraşîyayîşî kerd. Dayîkê Haştîye zî bi gileyê zeytûnî tewrê rayraşîyayîşî bîyî. Girseyî bi slogan, çapikan û marşan rojbîyayîşê Rayber Apoyî fîraz kerd. Vejîyayîşê qeza de rayraşîyayîş qedîya, tîya şarî bi deyîranê kurdkî dest pê govende kerd.

Aktîvîsta TJA Fatma Ablay tîya qisey kerd. Ablaye 4ê Nîsane fîraz kerd û vat:

"Ma ewro semedê Rayber Apoyî tîya ameyî têhet la eslê xo de ma semedê estbîyayîş û çînbîyayîşê xo tîya de yê. Têkoşînê Birêz Ocalanî kurdî dinya rê dayî neskerdene. Ewro mesajê Jin Jiyan Azadî heme dinya ra vila bîye. No zî mojneno ke cinîyî senî pabesteyê Rayberê xo yê. Waştişê cinîyan û şarê kurdî zelal o; wa dewleta tirke game bierzo. Çar rojî yo ciwanan verê xo dayo rojî. Gerek cade azadîya fîzîkîye ya Rayber Apoyî bêro caardene.''

Badê qiseykerdişan grûbêke şawîyaye Amara.