'Resimê mi xizmetê têkoşînê neteweyî kenê'

Resam Sînan Hezerî vat o wazeno ke resiman biko dokument ke Dewleta Tirke Rojawanî de sucê şerî kena û dokumentê winasênî eşkenê hişmendîya neteweyî zî xurtêr bikê.

Resam Sînan Hezer birîndaranê hêrişanê Dewleta Tirke ser o resimê xo viraştî. Sey zaf hunermendanê ke bala xo hêrişanê kurdan û Kurdîstanî ser ê resimê Hezerî zî zaf bal ancenê.

Hezerî derheqê resimanê xo de ajansê ma reyde qisey kerd.

"Resimî heman wextî de sey dokumentan ê. Şoriş û têkoşînê Rojawanî pêro hunermendî tewrê xo kerdî û naye ra pey pabeno ke hunermend berhemanê xo pêşkêş bikê. Bi taybetî berhemê hunermendan seba awankerdişê ameyoxî hem seba komelî hem zî seba hunerî ercaye yê."

"Resimî xizmetê têkoşînê neteweyî kenê, hişê şarî xurtêr kenê. Paletê resaman wexto ke têkoşînê neteweyî, yewparetîya polîtîkî ya exlaqîye û entelektuelî peyda bibê hînî vurîyeno beno wîjdanê komelî. Caardişo bingeyîn ê neteweya demokratîke kultur û huner o. Her firçayêka ke mîyanê hunerê azadîye de seba yewîya têkoşînê neteweyî yeno xebitnayene  xeyalêkê newe seba hunerê resiman virazeno."

"Mi nêwaşt ke karê xo de şer û merg nîşan bida labelê her karêk wayîrê dokumentêkê tarîxî yo. Vatişê serebûtan qewimîyeno. Seke şaîr Ahmet Tellî vano: 'Zehmeto ke merdim bibo dokumentkarê dejî'. Ma mîyanê şerî de benê berpirsîyarîya ma ke ma vera şerî xo ver bidê û resimê bêpeyên bivirazê."