Janê vîrusê Korona ra dima Îdareyê Xoserî yê Rojawanî seba ke şar bipawo tay birî girewtbî. Îdareyê Xoserî bire daye ke ganî kedkarê sey zîretî, înşaatî û sanayî vera vîrusê Korona asta berze de bêrê pawitene. Rixmê na bira Îdareyê Xoserî wayîrê karî weşîya kedkaran peygoşî kenê.

Kedkaranê zîretî bi nameyê Ebîr Mihemedî û Welaa Alî îfade kerd ke ê wesayîtêk de pê 35 kesan raywanîye kenê. La goreyê bira Îdareyê Xoserî ganî na raywanîye de mesafeyo komelkî bêro caardene. Nîdal Rifeto ke dewa Nîfî ya Qamişloyî de citkarîye keno da zanayene ke berpirsîyarîya naye milê ey de nê, ramitoxê wesayîtî ser o ya.

Berpirsîyarê xebatkaran Hemîd Ebû Xalîd zî ard ziwan ke şertê xebitîyayîşê xebatkaran xirab ê. Xalidî eşkera kerd ke pereyê wesayîtî wayîrê karî nê, xebatkarî danê. Xalîdî vat: ''Wexto ke wesayît pirr bo xebatkarî tayêr pere danê. Her xebarkar/e rojêke de di rey nişeno/e wesayît. Eke xebatkarî pê nênuşê wesayîtêk zêdêr pere danê.''
Hemsereka Komîteya Karanê Zereyî Hêvî Mistefa waşt ke birê Îdareyê Xoserî wa bêrê caardene. Hêvî vat: ''Ma rewşe teqîb kenê. Kesê ke goreyê biran tênêgêrenê do ceza bigêrê. Nê birî seba weşîya ma ameyî girewtene.''