Merkezê Çapemenîye yê Hêzanê Sûrîyeya Demokratîke (QSD) pê eşkerayîyêka nuştekîye netîceyê roja 6. yê hamle eşkera kerdî. QSDyî da zanayene ke hêzê înan 70 km aber şîyî û înan 14 cergî tepiştî.

QSDyî derheqê roja 6. ya hamle de nê zanayîşî dayî: ''Hêzê Sûrîyeya Demokratîke pê koordîneyê Hêzanê Koalîsyonî yê erd û hasmênî operasyonanê xo herêmanê sahra û dewan de dewam kenê. Xeta sînorî de zî koordîne hetê Iraqî ra yeno kerdene.

Hêzanê ma dergîya 70 km û hîratîya 80 km de heta sînorê IRaqî de xeylêk dewî pakî kerdî. Hêzanê Komandosî û Hêzanê Koalîsyonî eşt 6 noqtayanê hucreyanê terorîstan.

Operasyonanê sereştişan û pakîkerdişî de 14 terorîstî ameyî tepiştene û dest nîya tay çekan ser.  Tîmê leşkerî wextê operasyonê pakîkerdişî de vera hucreyêko ke guleyî eştî, xoverdayîşêko xurt mojna. Hêzê ma bi hawayêkê leşkerî nêdî bîyî û înan rewşe viste binê kontrolî û kesê ke guleyî eştî, tepiştî. Nê operasyonî de zerarêk nêresa hêzanê ma ser.''