700yî ra zafêr endamê HPC- Jine seba ke hêgayanê xo hêrişê îşxalkeran ra bipawê nobete tepiştene.

Sey heme Rojawanî Herêma Cizîre de zî emser vera şewatê erazîyanê zîretî tedbîrî ameyî girewtene. Goreyê doneyanê Komîteya Zîretî û Ekonomî ya Rojawanî hesedê parî de rîyê şewatanê ke çeteyanê DAÎŞî û artêşa tirke vetî ra 19 mîlyar ê lîrayê Sûrîye xesar vejîya.

Çarçeweya tedbîran de endamê HPC û HPC-Jine ke falîyetê dewrîye rayra benê pawitişê erazîyî yê Herêma Cizîre de rolêko gird kay kenê. 700yî ra zafêr cinîyî semedê pawitişê ekonomîya herême û çimeyanê xo yê debarî bi zerrîya safîye nobete tepiştene. Nê cinîyan ra Fatme Mihemeda ke erezîyanê Qamişlo û Tirbesipîyê pawena  ard ziwan ke bi zanayîşî şewatî yenê vetene ke ekonomîya herême cum bibo û vat ma sey endamê HPCyî  zafê ma wayîrê hêgayan nîyê la pawitişê nînan wezîfeyê ma yê pêrun o. Fatme bale ante ser ke îzmarîtê cixereyî zî benê sebenê şewatan û şarî ra waşt ke wa hîsgêr têbigêro. Evîne Îbrahîm  û  Mihabade Ednan Omerî zî pawitişê hêgeyan se wezîfeyê pêrûne hesibna û waşt ke wa her kes wezîfeyê xo bîyaro ca. Cinîyan ard ziwan ke keda  hemwalatîyan û hêzanê asayîşî ya seba pawitişê hêgeyan emser vernîya xeylêk şewetan girewte.