Hêrişê îşxalî yê dewleta tirke yê vera Rojawanî dewam kenê. Bitaybetî warê Kobanê, Minbic, Eyn Îsa û Şehba ke îqtîdarê Şam û hêzê Rûsya tede estê de binê hêrişan de yê. Vera bêvengîya Rûsya nêrazîbîyayîşî zêdîyene.

Şarê Girê Sipî yo ke kampanyan Eyn Îsa û Girê Sipî de maneno vera baregehê Rûsya yo ke merkezê Eyn Îsayî de yo rayraşîyayîşêk kerd û bêvengîya ci şermezar kerd. Çalakwanan waşt ke Rûsya vera dewleta tirke û çeteyanê ci game bierzo.

Multecîyanê tirkmenan ê Girê Sipî ra Şaha Esaf vat: ''Dewleta tirke herra ma îşxal kerde, ma pêro bi serran o erd û keyayanê xo ra raqilîyayî û kampan de ciwîyene. Rixmê naye dewleta tirke hema zî hêrişê ma kena. Rûsya vatbi a do vera hêrişanê dewleta tirke bivejîyo la dewleta tirke tim sîvîlan pê bombayan qetil kena. Rûsya qet çîyêk nêkena. Dewleta tirke danê ma ro, Rûsya têna ewnîyena ci ra. Eke Rûsya çîyêk nêkena, çi gureyê ci herra ma de est o?''

Eyn Îsayî ra Emira Rifet zî vat: ''Rûsya vera her qeyde hêrişanê ke ma rê benê bêveng mamena, o wext yew manaya tîya de mendişê ci çîn o.''