Xeylêk merkezanê Rojawanê Kurdîstanî de rojbîyayîşê Rayberê Şarê Kurdî Abdullah Ocalanî ame fîrazkerdene.

Reqa de bi wesîleya 4ê Nîsane leyî ronîyayî û eşkerayîyêke ameye wendene. Eşkerayîye de venga şaranê Rojhelatê Mîyanênî ame dayene ke fikrê Ocalanî yê ke serê haştîye û azadîye vila bikerê.

Qamişlo de serkêşîya TEV-DEMî de, Merkezê Kultur û Hunerî yê Mihemed Şêxoyî de şayîyêke ameye kerdene. Qiseykerdişan de ame vatene ke seba azadîya Rayberê Şarê Kurdî têkoşîn wa bêro berzkerdene.

Hesekê de Yewîya Cinîyan ê Ciwanan şayîyêke viraşte. Bi desan kesî tewrê şayîye bîyî. Şayîye de derheqê cuya Ocalanî de sînevîzyonêk ame mojnayene. Peynîya şayîye de xoverdayîş û têkoşînê Ocalanî ameyî selamkerdene.