Bi wesîleya 10ê Teşrîna Verêne Roja Azadîya Ocalanî ya Dinya şaristananê Qamişlo, Dêrik, Amûdê, Tirbêsipîyê û Girkê Legê de çalakîyî ameyî kerdene û Komployo Mîyanneteweyî ame şermezarkerdene.

Qamişlo

Qamişlo de roniştoxan bi beşdarîya endamanê rêxistinanê sivîlan û îdarekarê Îdareyê Xoserî rayraşîyayîşêk kerd. Rayraşîyayîş verê bînaya NYyî de vurîya nawnayîşêk. Hemserekê Meclîsê Îdareyê Xoserî Telat Yûnisî qisey kerd û venga NYyî, komelê mîyanneteweyî da ke hêrişê dewleta tirke wa vindarnê.

Dêrik

Bi seyan roniştoxan vera Komployê Mîyanneteweyîyî û îşxalê dewleta tirke rayraşîyayîşêk kerd. Rayraşîyayîş verê berê Mar Şamonîyî de vurîya nawnayîşêk. Endama Kongreya Starî Şedye Yusif nawnayîş de qisey kerd û da zanayene ke Komployê vera Rayberê Şarê Kurdî Abdullah Ocalan rîyo raştikên ê dewleta tirke mojna. Vervatoxê PYDyî Muti Umerî zî ard ziwan ke Abdullah Ocalan bi xoverdayîşê xo komplo pûç kerd.

Tirbêsipîyê

Roniştoxanê kurd, ereb û sûryanan vera Komployê Mîyanneteweyîyî rayraşîyayîşêk kerd. Endamê PYDyî Fasîh Hisênî û Endama Kongreya Starî Fehîme Temo çalakîye de vat ke komployî pêro kurdî kerbi hedef û îşxalê Rojawanî zî dewamê Komployê 9ê Teşrîna Verêne yo.

Amûdê

Roniştoxan bi fotografanê Rayberê Şarê Kurdî Abdullah Ocalanî çalakîya rayraşîyayîşî kerde û vera îşxalê dewleta tirke û vera Komployê Mîyanneteweyîyî sloganî vatî. Merkezê Ciwanan ê Şorişgêran de rayraşîyayîş vindert. Endamê PYDyî Minewer Xalidî pare kerd ke Rayberê Şarê Kurdî Abdullah Ocalanî mîmarê azadîye yo.

Girkê Legê

Girkê Legê de zî roniştoxan bi pankart û sloganan komplo û îşxalê dewleta tirke protesto kerdî. Hemserekê Meclîsê Girkê Legê Mihemed Cemîlî zî qiseykerdişê xo de îfade kerd ke sayê fikr û felsefeya Rayber Apoyî de şarê Rojawanî xeta hîrêyîne girewte. Endama Kongreya Starî Rîhane Temo zî vat ke bi felsefeya Abdullah Ocalanî cinîyî eşkenê pêro waran de ca bigêrê.