Şaristananê Rojawanê Kurdîstanî û Şam de meşaleyê Newroze ameyî tavistene û govende ameye girewtene. Saetanê şanî de şarê Rojawanî bi meşaleyan adirê Newroze vist ta. Şarê herême pê kincanê herêmîyan tewrê şayîyan bi.

Berê Sêmalka de hemkarîya Îdareyê Berê Welîdî de, berê Sêmalka de adirê Newroze vist ta û şayîyêke viraşte. Hemserekê Herêma Meclîsê Cizîre Xebate Hisên, Hêzê Asayîşê Zereyî, Hêzê Koalîsyonê Mîyanneteweyî û şerwanî tewrê şayîye bîyî. Şayîye de seba Rayberê Şarê Kurdî Abdullah Ocalanî sloganî ameyî vatene. Dima dormeyê adirî de govende ameye girewtene.

Kobanê de hem şayîyêke ameye kerdene hem zî Têgêrayîşê Ciwanan ê Şorişgêran bi wesîleya Newroze çalakîya rayraşîyayîşî kerde.

Tirbêsipîyê de bi des hezaran roniştoxî tewrê şayîye bîyî. Şehba de koçberanê Efrînî adirê Newroze vist ta û deyîranê şorişgêran reyde govende girewte. Til Temir de verê Meclîsê Keyeyanê Şehîdan de adirê Newroze ame tavistene. Eyn Îsa de şerwananê QSDyî bi sloganan adirê Newroze vist ta û dormeyê adirî de govende girewte.

Şayîya Tebqa de zî azadîya Rayberê Şarê Kurdî Abdullah Ocalanî ameye waştene û ame vatane ke ê do rixmê heme hêrişanê îşxalî tim wayîrê erdê xo vejîyê.

Şam de taxa Zorava de bi beşdarîya roniştoxan adirê Newroze ame tavistene. roniştoxan deyîran reyde dormeyê adirî de govende girewte.