Arefatê Roşanê Remezanî de Rojawanê Kurdîstanî de mîyanê şarî de têgêrayîşî zêdîyayî. Misilmanî dima ke aşmêke roje gênê roşan de merdim, nas û dostanê xo de yenê têhet.

Rojawan de bi dîyayîşê wisarî kuçeyî zî debenê. Keyeyan de teşxeleyê amadekarîyanê roşanî est o. Dadî û babîyî bi kelecananê domananê xo hîna şay benê. Kelecanê domanan manaya roşanî ya raştikêne visnenê vîrî û torranê komelî bihêz kenê.

Peynîya rojeyî de coşê roşanî pêro Rojawanî ra vila beno. Sûkan de şar vejîyeno bazarîye. Her çiqas seba ke vayê berheman zêdîyayî zî rîyê esnafan huyenê.  Domanî bi kelecanê şeker û dîyarîyanê xo daymîş nêbenê. Şar hetêkî ra kincanê roşanî hêrîneno hetê bînî ra zî dîyarîyan weçîneno. 

Rixmê hêrişanê dewleta tirke û ambargoyî zî coşê roşanî rîyê her kesî ra belî beno. Enerjîya ke bi nêzdîbîyayîşê roşanî zêdîyaya şaristanî vurneno şênayîye.