Çilaxa, Til Hemîs, Til Berak û Til Koçerê de şarî Komployo Mîyanneteweyî yê vera Rayberê Şarê Kurdî Abdullah Ocalanî şermezar kerd.

Til Hemîs

Roniştoxan bi rayraşîyayîşêk hem komplo hem zî îşxalê vera Rojawanî protesto kerdî. Beşdaran rayraşîyayîşî ra dima Meydanê Şehîdan de nawnayîşêk kerd. Endama Kongreya Starî Nahîye Hesen nawnayîş de qisey kerd û vat: ''Ganî ma vera dişmenê faşîst û komplogerî sereyê xo nêrê war.''

Til Beraq

Şarê Til Beraqî vera komployî rayraşîyayîşî kerd û îşxalê dewleta tirke şermezar kerdî.Dima şarî çalakîyêke kerde. Çalakîye de Endamê PYDyî Mihemed Tirkîyî qisey kerd û bale ante xelisnayîşê herêman ê îşxalkerdeyan ser. Endama Kongreya Starî Henane Silêman zî îfade kerd ke ewro Komployo Mîyanneteweyî bi îşxal û tecrîdê girankerdeyî dewam keno.

Til Koçer

Vi seyan roniştoxanê Til Koçerî bi rayraşîyayîşêk komployê vera Rayberê Şarê Kurdî Abdullah Ocalanî şermezar kerdî. Peynîya rayraşîyayîşî de endama Kongreya Starî Rexda Şibîlî vat: ''Bi fikr û felsefeya Rayber Apoyî ma do ver bi demokrasî, edalet û wayûbiratîye şorê.''

Çilaxa

Roniştoxanê Çilaxa bi sloganan rayraşîyayîşêk kerd. Endamê PYDyî Dilbirîn Tacedîn û Endama Kongreya Starî Suheyla Şemo rayraşîyayîş de qisey kerd û waşt ke azadîya Rayber Apoyî wa bêra caardene.