Komîteya Xizmetan ê Komelkîyan a Reqa seba domananê ke çim û goşî ra astengdar ê, reya verêne merkezê perwerdeyê taybetî akerd. Mamostayê ke formasyonê seba perwerdeyê taybetî girewt, do Merkezê Perwerdeyê Taybetî yê Şehîd Beşîr Faysal El Hîvedîyî de wezîfe bikerê.

Meclîsê Sivîlî yê Reqa, temsîlkarê Îdareyê Xoserî û ê Asayîşê Zereyî tewrê merasîmê akerdişî bîyî.

Merasîm de Hetkarê Hemserekanê Meclîsê Sivîlî yê Reqa Hasan Mustafa, Endama Meclîsê Keyeyanê Şehîdan ê Reqa Şemse Salîh û îdarekarê Merkezê Perwerdeyê Taybetî Îsa El Şeyhî qisey kerd.

Qiseykerdoxan îfade kerd ke merkez seba domananê astengdaran do xizmetanê pîlan bikero.

Merkez de 20 odayî estê û seba ke domanê astengdarî tede rehet têbigêrê ame viraştene.