Şaristananê Kobanê, Heleb, Tirbêsipîyê û Çilaxa bi wesîleya serrgêra 43. ya ronayîşê PKKyî şayîyî ameyî kerdene. Berê Sînorî yê Sêmalka de ke dadîyî seba ke cenazayanê xo PDKyî ra bigêrê nobete gênê şayîyêke ameye kerdene.

Sere de temsîlkarê Îdareyê Xoserî temsîlkarê xeylêk dezgeh û partîyan tewrê şayîyan bîyî. Şayîyan de veng ame dayene ke Rayberê Şarê Kurdî Abdullah Ocalan wa bêro azadkerdene, alayê PKKyî û fotografê Ocalanî ameyî akerdene û sloganî ameyî vatene.

Qiseykerdişan de ame vatene ke ganî PKK lîsteya terorî ra bêro vetene. Şayîyan de xeylêk kom, hunermendî vejîyayî sehner ser, deyîrî ameyî vatene û govende ameye girewtene.