Xeylêk cayanê Rojawanê Kurdîstanî de serrgêra 39. ya serrgêra Hemleya 15ê Tebaxe bi şayîyan û coşêkê pîlî ameye fîrazkerdene. Şayîyan de govende ameye girewtene û deyîrê şorişgêrî ameyî vatene.

Qamişlo de roniştoxanê kurd, ereb, suryan û armenîyan bi şîarê 'Ma Hemleya 15ê Tebaxe Rayber Apoyî rê fîraz kenê' şayîyêke viraşte. 

Amûdê de Hola Beylesan de şayîyêke ameye kerdene. Şayîye de fotografê Rayberê Şarê Kurdî Abdullah Ocalanî, Fermandar Egîdî û cinîyan ê serkêşan ê şehîdan ameyî akerdene.

Kantonê Şehba de şar bi slogana ''Bi ruhê 15ê Tebaxe şerê azadîye de ser bikewê'' ame têhet. Şayayî ka Kampa Serdemî de ameye kerdene de ercnayîşê Abdullah Ocalanî yê derheqê 15ê Tebaxe ameyî goştarîkerdene.

Reqa de dadîyanê şehîdan meşaleya roşanî viste ta. Qiseykerdişan de ame vatene ke Hemleya 15ê Tebaxe a roj a ke kurdan vera dewleta tirke sere wedarito. Şayîye de bi erebkî û kurdkî şîîrî ameyî vatene.

Şarê herêma Firatî zî bi slogana ''Ma do bi Hemleya 15ê Tebaxe îşxalî biqedînê û şerê azadîye biresnê serkewtişî'' Meydanê Şehîd Egîdî  yê Kobanê de şayî kerde.Qiseykerdişan de ame vatene ke bi ruhê na hamle Şorişê Rojawanî ame kerdene û bi ruhê nê têkoşînî do verê îşxalî bêro girewtene.

Reyna Helep, Minbic, Hesekê, Dêrik, Tirbespiyê, Til Hemis, Til Berak ve Çilaxa 15ê Tebaxe bi merasîmanê komkîyan ame fîrazkerdene. Şayîyan de ame vatene ke ê do vera îşxal û tecrîdî bi ruhê 15ê Tebaxe ser bikewê.