Hetê Unîversîteya Rojava, Unîversîteya Kobanê, Unîversîteya Efrînî û Akademîya Mezopotamya ra tarîxanê 19-20ê Teşrîna verêne de kampusa bingeyêne ya Unîversîteya Rojava ya ke Qamişlo de ya do konferans bêro viraştene. Endamê Mûsnayîşî yê Fakulteya Edebîyatî yê Unîversîteya Rojava Aram Hesenî û Endama  Mûsnayîşî ya Fakulteya Jîneolojî Leyla Ehmêye ANFyî rê qisey kerd.  

Aram Hesenî ard ziwan ke ê wazenê lîsansê berzî de xetanê bingeyênan bewlî bikerê û amac kenê ke biresê hemparîyêk. Hesenî vat: „Ma bi nê konferansî wazenê ke sîstemê ke yewbînan ra cîya yê banêkê hemparî bin de bêrê têhet. Hetêna ra xusûsîyetê her unîversîte bi hawayêk ke bêrê pawitene ma nizdê na mesela bîyî.“    

KOMÎTEYAN AMADEKARÎYÊ XO KERDÎ

Ma wazenê herinda sîstemêkê ezberkarî de modelêkê perwerdeyî yê îlmîyî û yo ke şîroveyî ser o ronîyayo awan bikerê. Hesenî wina dewam kerd: „Komîteyê ma yê nikayênan rê ma komîteyêk ke do rêziknameyan dir eleqedar bo û di komîteyê ke do dokumentanê dîsîplînî yê unîversîteya ma dir eleqedar bo viraştî.“

AMAC VIRAŞTIŞÊ SÎSTEMÊKÊ HEMPARÎ YO

Leyla Ehmê zî vat: „19-20ê Teşrîna verêne de do konferansêk ma virazîyo. Amacê koferansê ma; seva unîversîteyanê ke ma Rojawan de awan kerdê viraştişê sîstemêkê hemparî, viraştişê têkilîye û bi taybetî zî tesbîtê cîyatîya her unîversîteyêk o. Pîya bi nê cîyatîyan ganî ma sîstemêkê hemparî virazê.“    

ÎLMÎKO NEWE: JÎNEOLOJÎ

Leyla Ehmê bale ante ke tecrubeyê Fakulteya Jîneolojî dinya de çîyêko ewilên o û vat ke fakulte par amîya akerdene û xeylî eleqedarî dîya. Leyla Ehmê vat: „Seva ke pêroyê dinya de sey Fakulteya Jîneolojî fakulteyêka ewilên a hem hetê şarê ma ra hem zî hetê şaranê bînan ra xeylî eleqedarî vînena. No beş seva ke problemanê cinîyan ser o vindero û tarîxê înan o ke bîyo vindî vejo meydan ameyo awankerdene.“