Dezgehê Ziwanê Kurdkî (Sazîya Zimanê Kurdî - SZK) şaristanê Qamişloyî de 57 wendekarî kursê xo yê kirdkî (kirmanckî-zazakî) ra mezun kerdî û belgeyê serkewtişî dayî înan.

SZKyî belgeyê hîrê duştê perwerdekerdişê kirmanckî (zazakî) wendekaran rê vila kerdî.

SZKyî  14ê kanûne de merkezê xo yê Qamişloyî de, belgeyê 57 wendekaranê ke beşdarê perwerdeyê musayişê kirmanckîye bîyê, vila kerdî.

Belgeyî wendekaranê hîrê duştanê perwerdeyî rê ameyî vila kerdene.

Duşto yewin : 37 wendekarî

Duşto dîyin : 11 wendekarî

Duşto hîrêyin : 9 wendekarî

Sazîya Zimanê Kurdî (SZK) serra 2021î ra nata perwerdeyê zaravaya kirmanckî dana.

Mamostaya kirmanckîye Hacer Petekkaya (Xecê) vat ke hetanî nika hîrê koman duşto yewin, hîrê koman duşto dîyin û komêke zî duşto hîreyin temam kerdo.

Sewbîna zî mamosta Xecê da zanayene ke perwerdeyê kirmanckîye do demê ameyoxî de hem rî bi rî hem zî online dewam bikero.