Însîyatîfê Dadîyanê Aşitî yê Enternasyonalîstî ra 7 kesan Rojawan zîyaret kerd. Înan ra Vervatoxa Femînîstanê Madrîdî Consuela Nuneze ANFyî rê qisey kerd.

Nuneze dîktatorîya Erdoganî vist vîr û va: ‘‘Şarê Efrînijî hêrişê dewleta tirkî ra zaf tengayî ancenî. Ganî ma paştî bidê şarê Efrînî û waştişê peyserşîyayîşê înan bîyaro ca. Keyeyî ameyî cêserfînayene. Dadî, Babî û qijê yewbînan ra ameyî raqilnayene. No semed ra ganî ma wayîr ro şarê Efrînî bivejîyê. Erdogan macîran şuxulneno û welatanê teberî ra pere gêno. Wazeno ke bibo endamê Yewîya Ewropa.La hetê bînî ra qeydanê heqê merdiman gêno binê lingan.‘‘

Nuneze çîyêk ke aye ser o zaf têsîr kerde zî wina arde ziwan: ‘‘Wexto ke mi Şorişê Rojawanî eşnawit zaf dîqetê mi ant. Mi ney ser belgefîlmî viraştî. Bitaybetî wextê Efrînî de ma lingan ser o bî. Tewr zaf zî Têkoşînê Azadîya Cinîyan û komelkî bîyayîşê nê xoverdayîşî mi ser o tesîr kerd. Rojanwan de ma dî ke şar senî dormeyê felsefeya Rayber Apoyî de ameyo pêser û nê felsefeyî ra senî yewbîyayîşê şaran vejîyayo.‘‘

Nuneze qiseykerdişê xo wina qedîna:‘‘ Keynaya mi zî emegdara çapemenî ya û Rojwanê Kurdîstanî de qewimîyayîşan teqîb kena. Keynaya mi xoverdayîşê kurdan û Têkoşînê Azadîya Cinîyan sarisna û mîyanê înan de cayê xo girewt. Keynaya mi nika Rojawan de cuyaya xo mehnedar kerdo û tewrbîyayîşê şorişî ra zaf şa ya. Ez zî seba keynaya xo keyfweş a û her tim cayê aye û embazanê ci de ya‘‘