Rojawanê Kurdîstanî de bi hezaran kesan bi wesîleya Roşanê Remezanî gorê şehîdan zîyaret kerdî.

Şaristananê Dêrik, Til Koçer, Til Hemîs, Til Birak, Tirbesipiyê, Qamişlo, Amûdê, Dirbêsiyê, Til Temir, Hesekê, Şedadê, Hol, Dêrazor, Reqa, Tebqa, Minbic, Kobanê, Efrîn-Şehba û taxanê Şêxmeqsûd û Eşrefîye yê Helebî de şehîdgehî ameyî zîyaretkerdene.

Keyeyanê şehîdan, gazîyanê şorişî û îdarekeranê partî, dezgeh û rêxistinan serê goran de duayî wendî û vilî verdayî. Dima serê şehîdgehan de domanan rê şekerî ameyî vilakerdene.