Meclîsê Leşkerî yê Girê Sipî da zanayene ke hêrişê dewleta tirke ya îşxalkere yê vera Girê Sipî û Eyn Îsayî yê Rojawanî de hîrê rojanê peyênan de di sîvîlî şehîd bîyî û çar sîvîlî birîndar bîyî.

Goreyê zanayîşê ke Fermandarê Meclîsê Leşkerî yê Girê Sipî Rîyad El Xelefî dayî vizêr hêrişê dewleta tirke yê vera dewa Hoşanî de Bozan Osê (16) û Şêx Mihemed (25) şehîd bîyî û Mihemed Bozan û Xalid Cebel El Ehmed birîndar bîyî.

Dewa Ayohî ya Eyn Îsayî de zî leşkeranê tirkan ê nîşandaranê tujan sîvîlan ser o guleyî varnayî. Dewijan ra Xalid Halil El-Sehil (16) û Seid Zeyd El-Midfai (26) birîndar bîyî.

El Xelefî da zanayene ke dewleta tirke pê her qeyde çekanê giranan û wesayîtanê çekdaran ê hewayî hêrişê herême kena.