Cinîyê ke tewrê şayîya Newroze ya Dêrikî ya Rojawanî bîyî, înan derheqê girîngîya Newroza 2022î de ANFyî rê qisey kerd.

Sabahe Remedan Alî vat: ''Newroza 2022î Newroza azadîya Rayber Apoyî ya. Newroza Rayberê ma, keyeyanê şehîdan û şerwanan fîraz ba. Serra 2022î de ma azadîya Rayber Apoyî wazenê. Serewedaritişê nê şerî seba Rayber Apoyî yo.''

Asya Mahmud ard ziwan ke ê do Newroza 2022yî bi azadîya Abdullah Ocalanî tacîdar bikerê û vat: ''Vera zulm û zorbazîye serkewtiş ê kurdan o. Ez Newroza Rayber Apoyî û tepişteyan fîraz kena. Ma vera zulm û zorbazîye tîya de yê. Newroza 2022yî de seba azadîya Rayber Apoyî bixebitê. Kurdê çar hetanê dinya ganî seba Kurdîstanê azadî û xoserî bibê yew.''

Dadîya Hevrîne Xelef Suade Mistefa vat: ''Senî ke Mazlûm Doganî zîndan de vera teslîmîyet û îxanetî Newroze fîraz kerde, ma zî bi nê ruhî fîraz kenê.Ganî kurdî bibê yew û erdê xo bipawê. Ma do azadîya Rayber Apoyî bîyarê ca. Adirê Newroze adirê yewî, paştdayîş, demokrasî û xoverdayîşî yo. Ganî kurdî yewîya xo xurt bikerê û apey gaman meerzê.''