Şehba ke binê hêrişê dewleta tirke û çeteyanê ci de ya hetêk ra vera hêrişan xo pawena hetê bînî ra zî vera vîrusê Korona goreyê îmkananê xo tedbîran gêna.

Endamê Heyva Sora a Kurdan Dr. Hesen Nebbo yo ke ANFyî rê derheqê babete de qisey kerd vat: ''Heta nika herême re qet hetkarî nêame kerdene. Eke jan tîya ra vila bo kampê multecîyanî zî tede herême de netîceya girane do vejîyo werte. 8 serrî yo ke tîya cayê şerî yo coka nêweşîye hîna lez vila bena. Vîrus nika heta herêmanê sey Ezaz, Efrîn, Nubîl û Zehra yê ke ma ra nizdîyê ameyo.''

Nebbo derheqê tedbîranê ke girewtî de nê vatî: ''Ma goreyê îmkananê xo tedbîran gênê la îmkanê ma nêvejenê. Îdareyê Xoserî qedexeyê tebervejîyayîşî îlan kerd ma zî nuqtayê kontrolî awan kerdî derheqê nêweşîye de şar hîşyar kerd. Ma semedê nêweşanê giranan ekîbî amade kerdî. Herêma Şerewa de ma do verî nêweşan keye de kontrol bikerê eke semptomî bibê dima ra bêrê nêweşxane.  Nêweşxane de ma semedê rewşa lezabeze cayêk awan kerde. Nêweşî tîya de şarî ra dûrî berê weşkerdene. Nê warî de xeylêk kampî estê û kampî hîna zaf binê rîskî de yê.  Ma nê kampan rê dewkewtiş vejîyayîş kerd qedexe.  Dekwetişê kampan de ekîbê kontrolî ameyî cakerdene ke êyê ke yenê şine wa kontrol bikerê. Reyna nuqtaya ma ya weşîye kampe de 24 saete akerdeya. Ma bê nêweşanê giranan nêweşan qebûl nêkenê. Ma nê tedbîrî  girewtî la nê qîm nêkenê, vernîya qet yew nêweşîye nêgênê.''

Dr. Nebboyî bale ante tengayîyanê ke ance ser  û vat:  ''Hetê teknîkî û malzemeyê weşîye ra zaf kêmîya ma esta. Doktorê pîsporî û personelê weşîye çîn ê. Qet yew rêxistina weşîye û dezgehê merdimî ma rê hetkarî nêkerde. Seba ke ma çemberde yê ma nêeşkenê malzame bîyarê. Nuqtayê kontrolî yê rejîmê Sûrîye destûr nêdano. Ganî tim û tim destûr bêro waştene û bêrî yenê qefilnayene. Eke jan dest pê bikero se ra 10-15 cîhazê nefesgirewtişî hewce kenê la ma dest de têna 5-6 hebî estî. Ganî Rêxistina Weşîye ya Dinya û rejîmê Sûrîye ma rê hetkarî bikerê.''