Xeylêk merkezanê Rojawanê Kurdîstanî de rojbîyayîşê Rayberê Şarê Kurdî Abdullah Ocalanî çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de bi aktîvîteyanê cîya-cîyayan ame fîrazkerdene.

Reqa de dewa Tişrînî de 100 darê zeytûnan ameyî ramitene. Dima derheqê cuya Rayberê Şarê Kurdî Abdullah Ocalanî de semînerêk ame dayene.

Tebqa de Yewîya Cinîyan ê Ciwanan semînerêk da. 

Şehba de Dibistana Şehîd Egîdî û Şehîde Vîyane Amara mabênê wendekaran de musabeqayêke viraşte. Dima wendekaranê serkewteyan rê dîyarîyî ameyî dayene.

Qamişlo de şayîyêke ameye viatene. Şarî adir vist ta û govende girewte.

Amûdê de serkêşîya Têgêrayîşê Ciwananê Şorişgêran de aktîvîteyêke ameye kerdene. Aktîvîte de sloganê “Bê Serok jiyan nabe” ame vatene û fîşekî ameyî eştene.

Dêrik de Salona Çarçêla de rojbîyayîşê Rayberê Şarê Kurdî ame fîrazkerdene.