Kongreya 12ine ya PKKyî de amebi îlankerdene ke ronayoxanê PKKyî ra Alî Haydar Kaytan (Fuat) şehîd bîyo. Endamê Komîteya Rayberdişî ya PKKyî Murat Karayilanî ajansê ma rê qalê embazê xo yê 40 serrî Kaytanî kerd.

Karayilanî destpêkê qiseykerdişê xo de Kaytan bi rêz û minetî yad kerd û vist vîrî ke Kaytan embazanê verênan ê Rayber Apoyî ra yew bîyo.

Karayilanî vat: ‘’Ey soz da û nê sozî ser o bi perwerî xeta Rayberîye de tim têkoşîn kerd. Embaz Fuat embazê min o 40 serrî bi. Asan nîyo ke ez ey ser o qisey bikera. 

Xora partîya ma PKK partîya şehîdan a. Embaz Fuatî na raştîye şexsê xo de mojnaye.

Ey tim bi layîqî PKK temsîl kerd. Ez soz dana ke do tim perwerê vîrameyîşê ey biba. Ma do heta peynî rêçê ey ser de têbigêrê.

Embaz Fuat lîder û serkêşêk bi. Ey mojna ke ganî Apoyîyî senî têbigêrê û biciwîyê. Ey vatêne ke merdimêk hema weş bo ganî bêmerg bibo. Ked û mîrasê ci o kerd serkêş û milîtanêko bêmerg ê Apoyî.

O seke resimêkê Dêrsimî bi. Kesayetê ey de rêçê Terteleyê Dêrsimî est bîyî. Embaz Fuat bi xo Dêrsim bi. Ey seba ke qesasê Dêrsimî bigêro têkoşîn kerdêne.

O heta peynî perwerê erjanê Rayberîye bi.’’