Roşanê Karkeran ê 1ê Gulane xeylêk merkezanê Rojawanê Kurdîstanî de bi coşî ame fîrazkerdene. Şayîyan de bale ameye antene girîngîya keda karkeran ser.

Şehba de Kampa Serdemî de şayîyêke ameye virazkerdene. Şayîye de dîya zanayene ke sinifa karkeran binê tedaya sinifa kapîtalîste de ya. Şayîye de hunermendî Mihemed Weysî, Rozeya Dada, Mecîd Mihemed, Bekircan, Şehîd Avesta û Koma Şengalî vejîyayî sehne ser.

Reqa de Salona Tacî de şayîyêke ameye kerdene. Şayîyan de girseyî govende  girewte û deyîrî vatî.

Minbic de adresê şayîye Stadyumê Hesûnî bi. Bi seyan kesan tewrê şayîye bîyî. 

Tebqa de şayîya 1ê Gulane de temsîlkaranê sendîkayan Roşanê Karkeran fîraz kerd. 

Dêra Zorê, Tirbespîyê û Kobanê de zî karker û kedkaran bi coşê xurtî şayîyî viraştî û Roşanê Karkeran ê 1ê Gulane fîraz kerd.