Hemleya ke hetê Platformê Abdullah Ocalanî rê Azadîye, Meseleya Kurdan rê Çareserîya Sîyasîye ra 74 merkezanê cîya cîyayan ê dinya de dîyaye destpêkerdene, Rojawan de ameye wayîrvejîyayene.

Înîsîyatîfê Şarê Rojawanî Stadyumê 12 Şehîdan ê Qamişloyî de kurdkî û erebkî eşkerayîya çapemenîye daye. Endamê Îdareyê Xoserî, temsîlkarê dezgehanê komelê sîvîlî, partîyê sîyasîyîr rayberê eşîranê kurdan û ereban, têgêrayîşê cinîyan û ciwanan, endamê TEV-DEMî tewrê ci bîyî.

Eşkerayîya kurdkî hetê Endamê Înîsîyatîfê Şarî Henaa Xelîllî ra erebkî zî hetê Endamê Înîsîyatîfê Şarî Enwer El-Esirî ra ameye wendene.

Eşkerayîye de ame vatene ke Înîsîyatîfê Şarî zî tewrê hemle bîyo. Eşkerayîye de ame vatene bi mîlyonan kurdî Abdullah Ocalanî sey îradeyê xo yê sîyasîyî vînenî, şarê bindestî,grûbê etnîkî, dînî û şarê kê vera bêsecîyeyî yê ey sey îradeyê çare û haştîye vînenî.

Eşkerayîye de ame vîrvistene ke Rayberê Şarê Kurdî Abdullah Ocalan 25 serrî yo binê tecrîdê giranî de yo û ame vatene: “No îşkence yo. Rixmê na rewşa teberê merdimîye felsefeya Abdullah Oclanî heme hetan rê bîyo çimeyê îlhamî. Coka têkoşînê azadîye yê Rayber Abdullah Ocalanî dewayêka global a. Semedê azadîya Rayber Abdullah Ocalanî û ameyîşê haştîye têkoşîn bêro xurtkerdene. Rayber Abdullah Ocalan eşkeno meseleyanê Rojhelatê Mîyanênî û meseleya kurdan çareser bikero. Coka ganî tecrîd cade bêro wedaritene. Ma tewrê hemle benê û semedê tewrbîyayîşê hemle veng danê û vanê ke ma do têkoşînî her hetî ra xurtêr bikerê.”