Rojnameger Zinar Yildizî ANFyî rê qala rojnameger Seyîd Evranî kerd.

Yildizî da zanayene ke ey waranê gerîlayan de Seyîd Evran şinasnayo. Zinarî pare kerd ke Seyîd Evranî her kesî de embazîyêka xurte kerdêne, her çîyê embazanê xo hîs kerdêne û tecrubeyê xo tim embazanê xo de pare kerdêne. 

Zinar Yildizî vat: ''Embaz Seyî merdimêko winayên bi ke her serebût cigêrayêne, persayêne. Ey her çi bi asanî qebul nêkerdêne. Ez vana qey coka ey rojnamegerîye weçînaye. Embaz Seyîdî rojnamegerîya şorişgêrîye kerdêne. Karakterê ci de tim persayîş est bi. Tim mîyanê vurnayîşî de bi. O  11 serran o Rojawan de bîyo. Her kesî ey ra zaf hes kerdêne. 

Embaz Seyîd Evran bi xo hişê çapemenîya azade bi. Ey qetî rojnamegerîye sey meslegêkî nêkerde. Ey rojnamegerîye sey şorişêkî ercnaye. Rojnamegerîya embaz Seyîdî rojnamegerîyêka winayêne bîye de şaşitî ameyêne eşkerakerdene.  Ey şorişgêrî û rojnamegerîye yewbînan ra cîya nêdîye. O şagîrtê Musa Anterî û Gurbetellîye Ersoz bi. Coka şagîrtîya Seyîd Evranî şagîrtîya nê tradîsyonî ya. Seba wayîrvejîyayîşê vîrameyîşê Seyîd Evranî ganî ma qerardarîya têkoşînî xurt bikerê.''