Seba 5 şehîdanê QSDyî yê ke Dêra Zorê de şehîd bibî, Hesekê de bi beşdarîya bi hezaran kesan merasîmêkê definkerdişî ame kerdene.

Merasîm de nameyê Meclîsê Keyeyanê Şehîdan ser o Fatme Elî qisey kerd û îfade kerd ke xêrê şehîdan ra şarê Rojawanî ewro wayîrê destkewteyanê xo yê.

Fermandaranê Meclîsê Leşkerî yê Kantonê Cizîre ra Serhed Tirbesipîyê zî nameyê QSDyî ser o qisey kerd û ard ziwan ke ê do rayîrê şehîdan ra dewam bikerê û hêrişanê dewleta tirke û ê bînan bişiknê.

Endama Meclîsê Keyeyanê Şehîdan Gulçîne Ehmê şehadetnameyî teslîmê keyeyanê 5 şehîdan kerd.

Cenazayî bi tîlîlîyanê dadîyan ameyî definkerdene.