Roniştoxê Efrînî îşxalê Tirkîya ra semed neçare mendî ke 4 serrî verî warê xo biteriknê û Şehba de ca bibê. La Şehba zî hetê dewleta tirke ra bêmabên dîyena bombayan ver û bena hedefê hêrişan.

Efrînijanê qezaya Til Rifatî vera hêrişan nêrazîbîyayîşê xo mojna. Endama Meclîsê Til Rifatî Fexrîye Sultan  pare kerd ke koçkerdişê înan ra nata bi hawayêkê plankerdeyî hêrişî yenê kerdene û vat: ''Labelê seba ke ma abigêrê Efrînî xo ver danê.''

Îbrahîm Rîhanîyî zî vist vîrî ke verê çimanê dinya de nê merdiman koçê Til Rifatî kerd la roja verêne ra nata ê hê maruzê hêrişan benê. Senî ke şar pê zorî Efrînî ra ameyî vetene wazenê wina tîya de înan rê bikerê. La  ê çend ma bidê bombayan ver zî ma heta ke abigêrê Efrînî xo ver bidê.''

Endama Meclîsê Herêma Şehba Fatmê Mihemed zî hêrişê vera Til Rifatî şermezar kerdî û venga pêro rêxistinanê mîyanneteweyîyan da ke hêrişê vera sivîlan vindarnê.''