Dewleta tirke ya îşxalkere seba ke îşxal bikera her roje hêrişê Rojawanê Kurdîstanî kena. La roniştoxê Kobanê hertim mîyanê xoverdayîşî de yê.

Hemwelatîyê bi nameyê Hisênê Misoyî da zanayene ke dewleta tirke wazena Mîsak-i Mîllî reyna bîyara ca û vat: ''Dewleta tirke 2018 de bi bahaneya awankerdişê herêmanê asayîyan Efrîn îşxal kerd, dima zî Girê Sipî û Serêkanî îşxal kerd. Dewleta tirke wazena împaratorîya Osmanîyan newe ra awan bikera coka hêrişê QSD û pêro herême kena. La ma do erdê xo bipawê û erdê xo ra nêvejîyê.''

Hemwelatîya bi nameyê Cîhane Bozan vat: ''Dewleta tirke wazena bi hêrişan kurdan qir bikera. La ma do tim waran de bibê û şarê şarî yê şorişgêrî bikerê. Ma do peyê şerwanan de bibê û alaya xoverdayîşî timî berz bikerê. Senî ma DAÎŞ bin kerd ma do dewleta tirke zî bin bikerê.''

Hemwelatîya bi nameyê Dinya Mihemed vat: ''Dewleta tirke çend hêriş bikera zî ma do erdê xo meteriknê. 2014 de sînor destê cergan de bi, dewleta tirke nêvatêne ma do herêmanê araman awan bikerê û çira nika vana? Dewleta tirke senî ke koyanê Kurdîstanî de bin kewta, tîya de zî do bin bikewa.''