Temsîlkaranê Partîyanê Yewîya Neteweyî ya Kurdan vizêr bînaya PTDyî ya Qamişloyî de kombîyayîşêk kerd. Kombîyayîş de averşîyayîşê dîyaloganê hêzanê sîyasîyan ê kurdan ameyî ercnayene.

Kombîyayîşî ra dima Sekreterê Pêroyî yê Yewîya Lîberalan a Kurdîstanî Ferhat Têloyî eşkerayîyêke daye û pare kerd ke safhaya diyîne ya pêvînayîşanê hêzanê sîyasîyan ê kurdan dest pêkerde.

Têloyî vat: ''Partîyê Yewîya Neteweyî ya Kurdan temsîlkaranê ENKSî reyde kom bîyî. Tay babetî ameyî ercnayene û mabênê terefan de nakokîyê pîlî çin ê.No kombîyayîş elkeno sey kombîyayîşê diyînî yê safhaya diyînî yê dîyaloganê mabênê kurdan bêro hesibnayene. ''

Têloyî ard ziwan ke kombîyayîş de Fermandaro Pêroyî yê QSDyî Mazlûm Ebdî û Şêwirmendê Koalîsyonê Mîyanneteweyî yê DYA William Roebuck zî amade bîyî.