Semedê Fermandara YPJyî Şehîd Zozane Hesekê (Minewere Fatimê) ya ke 2ê nîsana 2024î de şehîde bîye, Şehîdgehê Şehîd Dijwarî yê dewa Dawudiyê ya Hesekê de merasîmo biheybet ame kerdene.

Temsîlkarê Îdareyê Xoserî, endamê partîyanê sîyasîyan û dezgehanê komelê sîvîlî û rîsipîyî zî tede bi seyan kesî tewrê merasîmî bîyî.Şarê Kantonê Cizîre cenazaya şehîd Zozane verê Meclîsê Keyeyanê Şehîdanî ra girewt û bi konvoyî berde Şehîdgehê Şehîd Dijwarî. Badê merasîmê leşkerî yê şervananê YPJyî qiseykerdişî ameyî kerdene.

Endama Meclîsê Keyeyanê Şehîdan ê Hesekê Fatma Elî vat: "Şehîd Zozane seba ke ma cinîyî biresê nê rojan serranê 1990yan de destpê têkoşînî kerd. 34 serrî vera zulm û zextî têkoşîn kerd.”

Endama Fermandarîya Pêroyî ya YPJyî Rojhelat Efrîn zî serweşîye waşte û vat:  “Keyeyê şehîd Zozane wextê ronayîşê têgêrayîşê azadîye heta nika tim wayîrê ci vejîya. Şehîd Zozane semedê pawitişê destkewteyanê şarê herême pîya bi fermandaranê YPJyî tewrê hemleyanê azadkerdişî yê Kobanê, Dêrazor û Serêkanîyê bîye."

Endama Kongra Starî Laleşîne Hesekê zî vat: “Hesekê şahîd o ke şehîd Zozanê semedê azadîya cinîyan û pawitişê destkewteyanê şorişê Rojawnaî senî têkoşîn kerd.”

Badê qiseykerdişan belgeyê şehadetî ame wendene û teslîmê keyeyê ci bi. Zozane Hesekê bi slogananê  “Şehit Namirin” û tîlîlîyanê dayîkan ameye definkerdene.