Tebqa û Hesekê de seba ke paştî bêra dayene xoverdayîşê zîndanan ê seba azadîya Rayberê Şarê Kurdî Abdullah Ocalanî çalakîyê grevê vêşanîye dîyayî destpêkerdene.

Tebqa de çalakîya grevê vêşanîye perey hetê Înîsîyatîfê Azadîye, Mayanê Haştîye û şarî ra dîyabî destpêkerdene. Çalakîye vizêr bi eşkerayîyêke qedîyaye. Çalakîye de derheqê Komployê Mîyanneteweyîyî de sînevîzyonêk ame mojnayene.

Hesekê ke vizêr roja diyîne de bi seyan hemwelatîyî, temsîlkarê rêxistin û dezgehan, temsîlkarê meclîsanê leşkerîyan tewrê çalakîye bîyî. Çalakîye bi eşkerayîyêke qedîyaye. Eşkerayîye de ame parekerdene ke Rayberê Şarê Kurdî Abdullah Ocalan seba ke nêeşkeno keye û avûkatanê xo bivîno şarê kurdî qerqilîyeno. Eşkerayîye de veng dîya ke seba azadîya Abdullah Ocalanî wa têkoşîn bêro pîlkerdene.