El Selbîyo ke Bagdadî ra dima bi serekê newe yê DAÎŞî yo Dîlok û Anqara de binê kontrolê MÎTî de newe ra DAÎŞ rêxistin keno û amadekarîyan keno ke Iraq de cepheyêkê neweyî abikero.

Derheqê têkilîyanê DAÎŞî û Tirkîya de heta nika zaf dokumentî ameyî weşanayene labelê eşkera beno ke DAÎŞ Bagdadî ra dima bi temamî kewt binê kontrolê Tirkîya. Goreyê zanayîşan sercergo newe yê DAÎŞî Emîr Muhammed Abdurrahman El Mevla El Selbî Tirkîya de yo. El Selbî binê kontrolê MÎTî de Dîlok û Anqara de kar keno û DAÎŞ newe ra rêxistin keno.

Selbî serra 2017î de Îdlîbî ra derbazê Tirkîya bi. El Selbî nêzdîyê serrêke Tirkîya ra nêvejîya. Dîlok û Anqara de qerargehê ci estê. Bi giranî Dîlok de maneno. Binê kotrolê DAÎŞî de endamanê DAÎŞî û cerganê neweyan rêxistin keno.

Kombîyayîşê 15ê Teşrîna Peyêne yê Dîlokî

Selbîyî Dîlok de 15ê teşrîna peyêna 2019î de 13 payeberzanê DAÎŞî yê Tirkîya, Iraq, Sûrîye reyde kombîyayîşêk kerd. No kombîyayîş binê kotrolê MÎTî de ame kerdene. Birê ke kombîyayîş de ameyî girewtene wina yê:

* Plan ame kerdene ke Sûrîye de hucreyê cerganê ke Tirkîya de awan bîyî û hucreyê nimiteyî yê DAÎŞî do vera QSDyî, hêzanê demokratîka û sivîlan hêrişê xo dewam bikerê û hêrişê rejîmî zî bikerê.

Tirkîya Reyde Operasyono Hempar

El Selbîyî û MÎTî pêkerd ke endamê DAÎŞî yê ke fayde nêkenê yan zî DAÎŞ cîya bikerê bi rayîrê polîsanê tirkan bêrê tepiştene. Mîsal Mudirîyetê Pêroyî yê Asayîşî peynîya teşrîna verêna 2019î de bi nameyê ''vera DAÎŞî 21 şaristanan de 21 operasyonî'' operasyonêk kerd û netîce de 100 DAÎŞijî ameyî tepiştene. No operasyon planê El Selbîyî û MÎTî bi. Bi nê hawayî hem Selbîyî tîmê xo serdest kerd hem zî Tirkîya meydanê mîyanneteweyî de îdîa kena ke 'a vera DAÎŞî têkoşîn kena.'
Ebû Zeyd Iraqij (Îsmaîl Îthavî) zî menga sibata 2018î de bi nê hawayî ame tepiştene û teslîmê Iraqî ame kerdene.

Birayê ci Cepheyê Tirkmenan de yo

Mûhammed Abdul Rahman El Mevla El Selbî (Haci Abdullah Abdullah Kardaş) o ke bi nameyê
Ebû Îbrahîm Haşimî El Qûreyşî ame namekerdene Til Eferî ra tirkmenêk o. Birayê El Selbî Adîl Selvî ceyheyê tirkmenanê Iraqî de Tirkîya de xebitîyeno.