Rojawanê Kurdîstanî de hêrişê dewleta tirke û îşxalkeranê ci dewam kenê. Bado  ke dewleta tirke û çeteyanê ci Serêkanîyê îşxal kerd ra nata verê çimanê dinya de 30 cînîyî raştê hêrişê cînsî ameyî.

Leşkerê dewleta tirke û çeteyanê ci hêrişê şarê Rojawanî kenê. Bitaybetî zî cinîyî hedefê hêrişan de yê. Îşxalkerî bizor cinîyanê ciwanan de zewijyene û vera cinîyan hêrişo cînsî kenê. Goreyê zanayîşanê peyênanê ke herême ra ameyî Serêkanîyê de leşkeranê tirkî û çeteyanê ci 30 cinîyan rê hêrişo cinsî kerd. Nê cînîyan ra 5ê înan çeçen, 2ê înan kurd û 23ê înan ereb ê. Goreyê hemen çimeyan îşxalkerî zor danê cinîyan ke wa yerim bikerê piray.

Hetê bînî ra Efrîn o ke binê îşxalî de yo ûca zî cinî hedef yenê girewtene. Bajar de heta nika 3 hezar 500 sivîlî ameyî remnayene. Înan ra aqibetê 850 kesan nîno zanayene. Kesê ke ameyî remnayene înan 159 kesî cinî yê. Reyna cayanê bînanê ke ameyî îşxalkerdene de zî zîhnîyeto leyşin xo ramojneno û cinîyî raştê hêrişê cinsî yenê.