Reqa çar serrî verî hetê şerwanan ra amebî xelisnayene. Serrgêra azadkerdişê Reqa ameye fîrazkerdene. Fermandarê QSDyî, rîsipî, endamê Partîya Ameyoxî ya Sûrîye, endamê Îdareyê Xoserî zî tewrê şayîye bîyî.

Hetkarê Hemserekê Rojawanî Hemdan El-ebidî şayîye de qisey kerd û ard ziwan ke Reqaya ke qaşo paytextê DAÎŞî bîya xêrê şerwananê QSDyî ra ameye xelisnayene. Ebidî vist vîrî ke dewleta tirke xeylêk herêmê Sûrîye îşxal kerdî û rejîmê Sûrîye zî vera nê îşxalan nêeşkeno vengê xo bikero. 

El-Ebidî vat: ''Hewceyê ma pê fikrê Abdullah Ocalanî, îdareyê pê fikrê ey esto. Şar hukmatê Sûrîye ra haştîye wazeno. Tirkîya herême îşxal kena û demografîya ci vurnena. Hukmatê Sûrîye ganî goş bido waştişê haştîye yê şarî. Ganî dîyalogan dest pêbikerê û Îdareyo Xoser zî tewrê nê dîyalogan bêro kerdene.''

Şayîye pê deyîran û govende qedîyaye.