Bi wesîleya serrgêra 8. ya Şorişê Rojawanî seranserê Rojawanê Kurdîstanî de  pê çalakîyî ameyî organîzekerdene. Çalakîyan de şehîdê şorişî ameyî yadkerdene,  mîmarê şorişî Rayberê Şarê Kurdî Abdullah Ocalan û xoverdayoxê şorişî ameyî selamkerdene.

Şehba

Roniştoxanê Şehba û efrînijan rayraşîyayîşêk kerd. Dima ke rayraşîyayîş qedîya çalakîkeran deqayêk rêz girewt. Dima nameyê Kongreya Starî ser o Fatima Silêmanî qisey kerd û vat: ''Ma heta xelisnayîşê Efrînî xoverdayîşê xo do dewam bikerê.''

Endama Heyetê Rayberdişî yê PYDyî Hedîye Yûsif zî vat: ''Dişmenî wazenê Şorişê Rojawanî bixeniqnê xoka hêriş kenê.''

Çalakîye pê deyîran qedîyaye

Eyn Îsa

Roniştoxanê Eyn Îsayî stadyumê El Mesakînî de serrgêra Şorişê Rojawanî girewt. Şayîye pê deqayêkê rêzgirewtişî dest pêkerd û dima Meclîsê Kantonê Girê Sipî ser o Hêvîne Îsmaîl, El Abdullah û nameyê Meclîsê Leşkerî yê Kantonê Girê Sipî ser o Rîyad Xelefî qisey kerd. Pêro qiseykerdoxan Şorişê Rojawanî fîraz kerd û soz da ke ê do rayîrê şehîdan teqîb bikerê.

Teqba

Îdareyê Sivîlî yê Tebqa merkezê şaristanî de şayîyêke serûber kerde. Şayîye pê deqayêkê rêzgirewtişî dest pêkerd û Meclîsê Rayberdişî yê Îdareyê Xoserî ra Emîna Osê şayîye de qisey kerd. Emîna Osê vat Şorişê Rojawanî seba pêro şaran mîrasêko tarîxî yo. Şayîye de Meclîsê Rayberdişî yê Herêma Tebqa ra Mazlum Umerî zî qisey kerd û îfade kerd ke Şorişê Rojawanî rêçê şehîdan de dewam keno.''

Şayî de derheqê Şorişê Rojawanî de kayêkê tîyatroyî ame mojnayene û govendî ameyî girewtene.

Dirbêsîyê

Dirbêsîyê de zî Meclîsê Kultur û Hunerî şayîyêke serûber kerde. Şayî de pankartî ameyî akerdene û sloganî ameyî vatene. Nameyê Meclîsê Hantonê Hesekê ser o Semer Abdullahî qisey kerd û Şorişê Rojawanî fîraz kerd. Merkezê Kulturî yê Mihemed Şêxoyî zî şayîye de deyîrî vatî.

Dêrik

Roniştoxanê Dêrikî pê slogan û pankartanê dergeqê Şorişê Rojawanî de Şorişê Rojawanî f^riaz kerd. Deqayêkê rêzgirewtişî ra dima Meclîsê Keyeyanê Şehîdan ra Heqî Dêrikî qisey kerd û ard ziwan ke sayê Rayberê Şarê Kurdî Abdullah Ocalanî de Şorişê Rojawanî ame caardene.Nameyê Îdareyê Xoserî ser o Perwîne Yûsif zî pare kerd ke Şorişê Rojawanî pêro heqê şaranê Rojawanî garantî kerdî. Qiseykerdişan ra dima Sîpan Xelet, Koma Cûdî ya Stranan, Koma Mûzîka Koçerat, Koma Govendê ya Dêrikê deyîrê xo vatî.

Kobanê

Kobanê de pê tewrbîyayîşê bi hezaran şayîyêka pîle ameye kerdene. Hemserekê Meclîsê Rayberdişî yê Herêma Firatî Mihemed Şahînî şayî de qisey kerd û vat: ''Şorişê Rojawanî Kobanê de dest pêkerd û dima bi aîdê pêro şaranê Rojawanî.'' Endama Koordînasyonê Kongreya Straî Elmaze Romî zî vat: ''Şorişê Rojawanî cewabê polîtîkayan ê kolonyalîstan o.'' Şayî de Koma Şehîd Yekta, Koma Dîlanan, Koma Kevana Zêrîn û hunermend Xelîl Canî deyîrî vatî.

Hesekê

Hesekê de Îdareyê Xoserî pê tewrbîyayîşê bi hezaran kesan şayîyêke serûber kerde. Meydanê şayîye pê fotografanê Rayberê Şarê Kurdî Abdullah Ocalanî, fotografê şehîdan, alayanê QSD, YPG, YPJ û Asayîşî xemilîya. Şayî de Hemserekê Meclîsê Rayberdişî yê Herêma Cizîre Tehlet Yûnis, Endama Heyetê Hemserekîye yê PYDyî Foza Yûsif, nameyê Keyeyanê Şehîdan ser o Zehra Serêkanîyê, nameyê PYNKyî ser o endamê Komîteya Merkezî ya Partîya Çepe ya Kurdan a Sûrîye Ezîz Ehmoyî qisey kerd. Qiseykerdoxan Şorişê Rojawanî fîraz kerd û şehîdê şorişî yad kerdî. Qiseykerdişan ra dima deyîrî ameyî vatene û govend ame girewtene.

Til Berak.

Roniştoxanê Til Berakî serrgêra 8. ya Şorişê Rojawanî Meclîsê Leşkerî yê Holî de fîraz kerde. Şayî de nameyê Meclîsê Şarî ser o Ebdulselam El-Hesanî qisey kerd û Şorişê Rojawanî yê pêro şaran, şehîdan fîraz kerd. Qiseykerdişî ra dima pê deyîranê Koma Şehîd Dilbirîn govend ame girewtene.

Qamişlo

Meclîsê Qamşloyî stadê Heysema Kiçoyî de şayîyêka pîle organîze kerde û xeylêk kesî tewrê şayîye bîyî. Meydanê şayîye pê fotografanê Rayberê Şarê Kurdî Abdullah Ocalanî, alayanê YPG, YPJ, QSD, Kongreya Star ame xemilnayene. Şayî de Meclîsê Keyeyanê Şehîdan ser ser o Elî Omerî qisey kerd û îfade kerd ke ê do rêçê şehîdan de şoriş dewam bikerê. Şayî de Hemsereka Meclîsê Rayberdişî yê Îdareyê Xoserî ser o Bêrîvane Xalîd û nameyê PYNKyî ser o zî Enwer Mislimî zî qisey kerd û Şorişê Rojawanî fîraz kerd. Şayîye pê deyîranê koma Kevana Zêrîn û koma şehîd Welat qedîyaye.

Şedadê

Roniştoxanê Şedadê pê şayîyêka serrgêra Şorişê Rojawanî fîraz kerde. Şayîye pê deqayêkê rêzgirewtişî dest pêkerde û dima qiseykerdişî ameyî kerdene. Nameyê Partîya Koamrparêze ser o Ebdulxenî El-Husenî qisey kerd û îfade kerd ke pê Şorişê Rojawanî herême de gamêka tarîxîye ameye eştene. Nameyê Îdareyê Xoserî zî Xeynebe Saroxan qisey kerd û serrgêra 8. ya Şorişê Rojawanî fîraz kerde. Nameyê Meclîsê Leşkerî yê Şedadê ser o zî fermandar Ewda El-Husênî qisey kerd û vat heta ke îşxalî biqedê şoriş do dewam bikero.

Heleb

Roniştoxê Helebî şayîya serggêra Şorişê Rojawanî de amade bîyî. Şayîye pê deqayêkê rêzgirewtişî dest pêkerde û Hemserekê Meclîsê Pêroyî yê Taxanê Şêxmeqsûd û Eşrefîyê Mihemed Şêxo, Hemsereka PYDyî Ayşa Hiso û îdarekaranê Kongreya Starî ra Nehla Mistefa şayîye de qisey kerd. Înan serrgêra 8. ya Şorişê Rojawanî ya Rayber Apoyî, şehîdan û pêro şaranê Rojawanî fîraz kerde. Şayîye de deyîrî ameyî vatene û govend ame girewtene.

Amûdê

Amûdê de bi hezaran kesî tewrê şayîya Şorişê Rojawanî bîyî. Şayîye pê deqayêkê rêzgirewtişî dest pêkerd. Hemsereka Heyetê Zereyî yê Herêma Cizîre Kenan Berekatî, PYNKyî ra Telal Mihemedî şayî de qisey kerd û îfade kerd ke Şorişê Rojawanî pê keda şehîdan ame caardene. Şayî de Koma Agirê deyîrî û şaîr Ferhat Merdêyî zî şîîrî wendî. Şayî de govend ame girewtene.