Dewleta tirke ya îşxalkere 19ê tebaxe de  bi droneyanê çekdaran hêrişê Merkezê Perwerdeyî yê Domananê Kênayan ê  dewa Şemoke ya Hesekê kerd bi. Netîceya hêrişî de çar domanî amebî qetilkerdene û 11 domanî zî birîndar bîbî. Nê birîndaran ra Silava Remedan 1ê êlule de dinyaya xo bedilnabî.

Vizêr cenazaya Silava vere Meclîsê Keyeyanê Şehîdan ê Dirbesîyê ra ameye girewtene û bi konvoyî ameye berdene  Şehîdgehê Şehîd Rustem Cûdîyî.

Embaza Silava Novîn Efrîn vat: "Hêrişê vera mektebê ma qirkerdiş o. Domanê sey Silava verê çimanê dinya de yenêqetilkerdene. Ma do tim wayîrê ercanê xo vejîyê û têkoşîn bikerê."

Dayîka Silava Remzîye Remedan zî vat: "Kênaya mi ti ewro bîya rayîrê heqîqetî. Ez bi nameye Silava qal kena; ez wendekara û mi rayîrê heqîqetî vîjna. Ez heme keyeyanê şehîdan rê serweşîye wazena."

Badê qiseykerdişan cenaza bi sloganan ameye definkerdene.