Têgêrayîşê Komelê Demokratîkî (TEV-DEM) vera eşkerayîyanê Mesrûr Barzanîyî bi eşkerayîyêke nêrazîbîyayîşê xo mojna.

TEV-DEMî ard ziwan ke dewleta tirke ya îşxalkere bi serran o xîret kena kurdan pê çeka kîmyewîye, metodanê xiraban qir bikera, Kurdîstanî îşxal bikera. TEV-DEMî vist vîrî ke dewleta tirke bêmabên hêrişê Herêmanê Pawitişî yê Medya û Rojawanî kena.

TEV-DEMî vat: ''Rixmê hende çîyan zî humatê Başûrê Kurdîstanî pê eşkerayîyan xîret keno ke kerdişanê dewleta tirke meşrû bikero. Netîceya xoverdayîşê Têgêrayîşê Azadîye, gerîlayan û şarê kurdî de AKP ver bi rijîyayîşî şino. La AKP pê paştdayîşê PDK û hêzanê bînan payan ser de vindeno. PDK îşxalê tirkan meşrû keno. PDK herinda ke vera kolonyalîzmê tirkî şer bikero kurdan rê gefan waneno.

Îdarekarê PDKyî vera Têgêrayîşê Azadîye û gerîlayan eşkerayîyanê tehlukeyan danê. Tewr peyên Mesrûr Barzanîyî pare kerd ke ê kerdişanê dewleta tirke meşrû vînenê. Nê eşkerayîyî şarê ma rê xizmet û fayde nêkenê. Eqsê ci destkewteyanê şarê ma visnenê binê tehlukeyî. Nê eşkerayîyî pê fekê tirkan qisey kenê. Ma venga şarê xo danê ke sîyasetmedaranê PDKyî yê ke paştî danê sîyasetanê dewleta tirke eşkera bikero.''