Têgêrayîşê Komelê Demokratîkî (TEV-DEM) vera ambargoyê DYA yê pê nameyê Qanûnê Sezarî eşkerayîyêke weşanaye.

Eşkerayîye wina ya:

''Çend rojan ra dima Qanûnê Sezarî do bêro caardene. Komelê mîyanneteweyî seba alozîya Sûrîye çareserîyêke peyda nêkerde. Coka komelê Sûrîye xizanîye de yo. Ganî hukmatê Sûrîye seba çareserîyanê meseleyan alternatîfan biaferno. Komelê mîyanneteweyî seba e tedaya hukmatê Sûrîye bikero Qanûnê Sezarî ferz kerd ke no qanûn dej û zerarê komelê Sûrîye bizêdîno. Bi nê hawayî sûrîyeyîjî do bibê qurbananê armancanê dewleta tirke ya îşxalkere û dewletanê ke wayîrê menfaatan ê hemparan ê.

Ferzkerdişê Qanûnê Sezarî armanc keno ke îradeyê şarê Rojawanî teslîm bigêro. No qanûn Rojawanî rê zî tesîrêkê pîlî do bikero. No qanûn destkewteyanê Rojawanî keno hedef ke pê bedelanê giranan ameyî destvistene. Bi nê hawayî şarê Rojawanî rê vêşanî û xizanîye do bêrê ferzkerdene û ekonomîyê Rojawanî do darbeyêka pîle bigêro. 

Netîceyanê nê qanûnî ra sere de Neteweyê Yewbîyayeyî DYA, Rûsya û hukmatê Sûrîye berpirsîyar ê. Ma venga komelê mîyanneteweyî danê ke wezîfeyanê xo yê exlaqîyan bîyaro ca û cade nê qanûnî vindarno.

Ma vengê şarê xo û pêro dezgehanê Rojawanî danê ke vera nê verganê şerê ekonomîyî hîşyar bibo û tewirê xo bimojno. Ma pê bawer ê ke ma do na alozîya ekonomîke derbaz bikerê.''