Têgêrayîşê Komelê Demokratîkî (TEV-DEM) pê eşkerayîyêje rayaumûmîye reyde  pare kerd ke vîrusê Korona zîndananê dewleta tirke ra rewşa Ocalanî bîye semedê qesawetan.

Eşkerayîye wina ya:

''AKP-MHP prosesê na pandemîye de zî sîyasetê xo yê şovenîstî dewam kena ke îsbatê ney nêzdîbîyayîşê înan ê tepişteyanê sîyasîyan o.  Ganî hûmara kesanê ke zîndan de pê vîrusê Korona kewtî yan zî merdî bêra eşkerakerdene. Nê prosesî de rewşa rayber Abdullah Ocalanî û yê tepişteyanê bînan bîye semedê qesawetan. Nê prosesî de zî destûr nêno dayene ke Rayber Apo keye û avûkatanê xo reyde pêvînayîş bikero. No zî bala rayaumûmîye û yê şarê kurdî ancena Îmrali ser.

Hetê bînî ra dewleta tirke ya ke cenazaya Şehîd Egîd Îpekî pê kargo erşawite keyeyê ey, verê çimanê pêro dinya de vera merdimîye têgêraye û xîret kerd ke derbêka newîye bida îradeyê şarê kurdî ro.

Ma venga dezgeh û rêxistinanê heqanê merdiman danê ke bala xo bidê rewşa tepişteyanê ke zîndananê Tirkîya de yê û vera polîtîkayanê şovenan ê dewleta tirke yê serê tepişteyan û Îmraliyî berpirsîyarîya xo bîyarê ca.''