TEV-DEMî bi wesîleya serrgêra îşxalkerdişê Efrînî eşkerayîye daye. Eşkerayîye de şehîdê têkoşînê Efrînî ameyî yadkerdene û nê ameyî vatene:

''6 serrî yo herême de sûcê şerî yenê kerdene. Dewleta tirke û çeteyê ci roja verêne ya îşxalî ra nata hêrişê erjanê tarîxayan ê şarê Efrînî kenê. Wazenê Efrînî herra Sûrîya raqilnê. Coka na çarçewa de polîtîkayan rayra benê. Çeteyanê xo Efrîn de ca kenê. Eynî wextî de herême de ziwanê û pereyê tirkî fînenî dewre ke asîmîlasyonê kulturî bikerê. Çarçewaya polîtîkaya leymine ya dewleta tirke ya vera kurdan de çeteyî sûcanê sey dizdîye,remnayîş û talanî kenê.

Xeylêk efrînijî vînîbîyayeyî û aqibetê înan nîno zanayene, xeylêk hemwelatîyî zîndananê Tirkîya de sey rehînî yenê tepiştene û vera verdayîşê înan fîdye yeno waştene. Xoza yena talankedene, mal û estbîyayîşê şarî yeno xespkerdene û bi milyonan zêtûnerî yenê birnayene. Vera şarê herême sûcême merdimîye dewam kenê. Tewr peynî de qezaya Cindirese de domanêk bi hewayêkê weşî ame qetilkerdene.  No sey mesajêk ame kerdene ke şarê Efrînî erdê xo caverdo.

Îşxalê Efrînî bi qebulkerdişê komelê mîyanneteweyîyî ame kerdene. Neteweyanê Yewbîyayeyan û dezgehanê heq û huqûqî rolê xo nêerd ca. Coka şarê herême felakete rê rî bi rî yo. Şaro ke badê îşxalî bar kerd şi kampa Şehba rixmê hêrişanê îşxalî û ambargoyê hukmatê Şamî semedê agêrayîşê herra xo têkoşîn keno. Ma veng danê hêzanê mîyanneteweyîyî, dezgehanê heqanê merdiman  û hetanê eleqedaran ê Sûrîya ke vera nê caardişanê Efrînî bêveng memanê, cadê mudaxale bikerê.''