TEV-DEMî bi mesajêkî Roşanê Qurbanan ê şaranê Sûrîye û pêro misilmanan fîraz kerd.

Mesaj de wina ame vatene:

''Ma hêvî kenê ke binkewtişê koma Astana ra dima bi wesîleya roşanî haştîye û aramîye do biresê herême. Dewleta tirke ya îşxalkere û cergê ci nê rojanê bimbarekan de zî hêrişanê xo rê dewam kenê. Dewleta îşxalkere pê droneyê çekdarî û teyarayanê şerî sivîlan kena hedef. Hukmatê AKP-MHPyî yo ke bawerîyanê merdiman rê hûrmet nêkeno vera erjanê şarê ma sûcan û qirkerdişan keno.''

Peynîya mesajî de ame parekerdene ke ganî meseleyî bê mudaxeleyê mîyanneteweyî bi dîyaloganê zereyî bêrê çareserkerdene.