Dima ke hemwelatîyê Efrînî herêma Şehba de ca bîyî sere de vera Til Rifatî pêro dormeyê ci her roje hêrişê topan û çekanê giranan yeno kerdene. Rîyê bombardumanan û janê vîrusê Korona ra koçberî keye de manenê.

Hemwelatîya bi nameyê Zehra Hisên Hiso vat: ''Hetêk de bombardumanê dewleta tirke hetêkê bînî de zî janê vîrusê Korona. Ma nêzanenê se bikerê. Rîyê bombardumanan ra ma zafêr keye de manenê.''

Hemserekê Komunanaê Til Rifatî Îbrahîm Xelîlî zî qisey kerd û îfade kerd ke cuya înan tim binê tehlukeyî de derbaz bena û vat: ''Ma nêzanenê key ma ser o bombayan varnenê. Ma venga pêrp dezgehan danê ke biewnê halê ma û têbigêrê.''

Xelîlî bale ante merkezanê rejîmê Sûrîye û Rûsya ser o û vat înan hetkarîya roniştoxan nêkerde.