Meclîsê Leşkerî yê Til Temirî bîlançoya çalakîyanê xo yê vera artêşa tirke ya îşxalkere û çeteyanê ci eşkera kerde.

Eşkerayîya ke pelê fermî yê Hêzanê Sûrîyeya Demokratîke  (QSD)  de ameye parekerdene de nê ameyî vatene:

''Hêrişê artêşa tirke ya îşxalkere û grûbanê çeteyan ê vera herêma ma dewam kenê. Hêzanê ma vera nê hêrişan aşma êlule de xeylêk çalakîyî kerdî. Na çarçewa de;

4ê êlule de dewa Ezîzye de vera mewzîyêka çeteyanê îşxalkeran de 3 çeteyî ameyî kiştene.7ê êlule de nêzdîyê baregehê Mennaxî yê artêşa tirke de panzerêk ame hedefgirewtene. Çalakîye de 3 leşkerê tirkî ameyî kiştene û leşkerêk birîndar bi. 10ê êlule de dewa Dawudiye de çalakîya vera nuqtaya îşxalkeran de 2 çeteyî ameyî kiştene û 2 çeteyî birîndar bîyî. 14ê êlule de dewa Rihaniye de vera çeteyanê îşxalkeran çalakîye ameye kerdene. Çalakîye de  2 çeteyî ameyî kiştene û çeteyêk birîndar bi. 19ê êlule de dewa Qamisiyê de vera nuqtaya çeteyan çalakîye ameye kerdene, netîceya çalakîye safî nêbî.

Nê çalakîyan de bi temamî 3 leşker û 7 çeteyî ameyî kiştene û leşkerêk û 3 çeteyî birîndar bîyî.''