Bajarê Tîrbespîye ya Rojanwanê Kurdistanî  de rîyê şewatî ra 29 dewan de temamê ci 100 hezar donimî hêgayî vêşayî  bîyî wele.

Şewatê Tîrbespîye hetê şerwananê YPG, YPJ û şarî ra ame hewnakerdene.  Şewat de nêzdîyê 100 hezar donimî hêgayî vêşayî bîyî wele. Şewat hîna ke nêresto îstasyona petrolî ame hewnakerdene. 29 dewê ke adir kewto bi hêgayanê ci ra 18 dewan de heme hêgayê bîyî wele. Hêgayê dewanê El Reş, Gundik Sîd, Kirdahol, Kirşêran, Xeznê, Hasûdê, Sewqiyê, Hemarê, Tayê, Xirbêt El-Bîr, Sehil, Qesrûk Mihemed Zîyab, Tenûriyê, Beyazê, Sîhêya Mezin, Sîhêya Biçûk, Lîlan, Mihetê El-Qîtar, Xerdokê, Bişêriyê, Kerê Berî, Kerdîm, Mizgeft, Xezîmok, Nebûyê, Derîcîk, Meşûq, Gel Hesenak, Kerbkîl, Dîroka Qelinka heme vêşayî bîyî welê. Hêzê Asayîşê Zereyî û yewîyanê asayîşî derheqê şewatan de cipersayîş da destpêkerdene. Hemwelatijan  ard ziwan, seba ke herême de zirarêko ekonomîk û têmîyankewtiş biqewemîyayo, nê hêqayî yenê vêşnayene.  Ge-gena xeylî dewanê herême de artêşa Tirkî û çeteyê DAÎŞ’î zî adir verdanê hêgayan.