Hêzê Sûrîyeya Demokratîke (QSD) vakurê Sûrîye de operasyono ke  10ê Êlule de seba girewtişê Hecînî destê çeteyanê DAÎŞî ra dabi destpêkerdene, dewam keno.

Şerwananê  QSDyî çarçiweya Operasyonê Merheleya Qedînayîşê Terorî yê Firtineyê Cizîrî de dewê Baxoz, Seclê û Mozanî yê Hecînî û Baxozî çeteyan ra pak kerdî û hîrê roje cuwa ver zî dewa Sûsê de zafê kontrolî vistî dest.

Wexto ke operasyon ame destpêkerdene hûmara çeteyan sey 3 hezar ameynî texmînkerdene û çeteyê ke Sûrîye û Iraqî ra ameyî, bi çekanê giranan herême de ameyî cakerdene. Bitaybetî zî wexto ke firtineyê qûmî esto çeteyî hêrişê xo zêdnenî. Xeylî sivîlî cayê ke çeteyî tede yê ê cayan ra remayî.

Fermandaranê QSDyî da zanayene ke rixmê firteneyê qûmî operasyon senî ke ameyo plankerdene wina dewam keno û ê her roj hîna aver şinî.

Ame vatene ke bi sebebo ke çeteyî sivîlan erzenê xo ya ver şerwanê QSDyî seba zirar nêdîyo sivîlan  bi hesasîyeto gird  têgêrenî.

Bi azadkerdişê Hecînî çeteyê DAÎŞî ke serra 2014î ra nata vakurê Çemê Firatî de cayê ke îşxal kerdî, nê cayan ra bi temamî  yenî pakkerdene.