20ê çeleyî de cerganê DAÎŞî eştbi Zîndanê Hesekê ser. Hêzanê Antî-Terorî yê QSDyî û Hêzanê Asayîşê Zereyî naye ser o Zîndanê Xiwêran û taxa Zihûrî ya Hesekê de operasyonêk kerd.

Hêzanê Antî-Terorî nêzdîyê Fakulteyê Îktîsadî de têgêrayîşê cergan teqîb kerd û 2 cergê DAÎŞî yê ke eştbi zîndanî ser kiştî.

Naye reyde vera hucreyanê DAÎŞî operasyon ame kerdene û şer de bi temamî 5 cergê DAÎŞî kişîyayî.

Cerganê DAÎŞî dima ke Hesekê de bomba teqnabî xîret kerd ke Zîndanê Xiwêranî ra tepişteyê DAÎŞî biremnê. Coka înan nêzdîyê zîndanî de wesayît û motorsîkletêka bombabarkerde teqnayî.