Vera dewanê Eyn Îsayî erdî ra hêriş
Dewleta tirke ya îşxalkere vera di dewanê Eyn Îsayî erdî ra hêriş kerd. Pêkewtişan de cergêkê hukmatê Anqara kişîya, cergêk zî birîndar bi.
Goreyê agahîyanê ke Meclîsê Leşkerî yê Girê Sipîyî dayê dewleta tirke ya îşxalkere û cerganê ci 3yê êlule de, saete 06.40 de erdî ra hêrişê dewanê Tirwazî û Sigêroyî yê Eyn Îsayî kerdo.
Meclîsê Leşkerî yê Girê Sipîyî cade cewab da hêrişan û pêkewtişan heta 09.00 dewam kerd.
Çimeyanê Meclîsê Leşkerî da zanayene ke pêkewtişan de cergêk kişîyayo, cergêk birîndar bîyo û hêrişê vera dewan ameyê şiknayene.
Heman wextê hêrişan de hêzê hukmatê Şamî zî ameyî hedefkerdene û leşkerêkê hukmatê Şamî merd, leşkerêk zî birîndar bi.
