Merkezê Îrtîbatî û Çapemenîye yê Hêzanê Xelisnayîşê Efrînî (HRE)bi eşkerayîyêke dîyar kerd ke mîyanê menga sibate de dewleta tirke ya îşxalkere hezar reyî hêrişê herêma Efrîn-Şehba kerdo.

Goreyê bîlanço 8ê sibate de dewa Bênê ya qezaya Şêrawa dîyaye bombayan ver û yew leşkerê hukmatê Şamî birîndar bi. 12ê sibate de dewe de roniştoxêk birîndar bi û leşkerêkê rejîmê Şamî kişîya. 13ê sibate de ancî Bênê dîyaye bombayan ver û netîceya bombardumanî de roniştoxêk ame kiştene, roniştoxêk birîndar bi. 13ê sibate de netîceya bombardumanê vera dewa Til Medîqî de di leşkerê rejîmê Şamî kişîyayî.

23yê sibate de dewa Til Eyînî de droneyê çekdarî yê dewleta tirke ame îmhakerdene. 29ê sibate de bombardumanê vera dewa Teanî de roniştoxêk kişîya û roniştoxêk zî birîndar bi. Heman roje dewa Soxanekî de roniştoxe Emîne Hîkmet Mihemed birîndar bîye.

Goreyê bîlanço îşxalker û cergan 1214 bi obusan, 649 reyan bi hawanan, 32 bi tankan, 77 bi bombaeştoxan, 4 reyî bi moşekan û 9 reyî bi droneyanê çekdaran hêrişê herême kerdo.