'Vera hêrişanê dewleta tirke ma tewirêkê neteweyî bimojnê'

Îdareyê Xoserî û TEV-DEMî hêrişê dewleta tirke yê vera Kobanê şermezar kerd û venga şarî da ke vera hêrişan tewirêkê neteweyî û rûmetênî bimojno.

Îdareyê Xoserî yê Rojawanî û TEV-DEMî derheqê hêrişê bi SÎHA yê dewleta tirke yê vera Kobanê de eşkerayîyêke daye.

Îdareyê Xoserî vat: ''Dewleta tirke pê nê hêrişan xîret kena ke verê çareserîya meseleya Sûrîye biba asteng. No vera ameyoxê şaranê Sûrîye tehluke yo. Ma sere de garantora herême Rûsya venga hêzanê mîyanneteweyîyan, Neteweyanê Yewbîyayeyan û Koalîsyonê Mîyanneteweyî danê ke wezîfeyê xo bîyarê ca, verê nê hêrişan bigêrê û semedo ke peymanan binpay kena dewleta tirke ra hesab bipersa.''

Têgêrayîşê Komelê Demokratîkî (TEV-DEM) vat: ''Ma nê hêrişanê Tirkîya sey hêrişanê terorî û barbaran pênase kenê. Ma nê hêrişanê vera Kobanê ra hukmatê Rûsya û Koalîsyonê Mîyanneteweyî sey mesuldarî vînenê ke terorê Tirkîya asteng bikerê. Gefê Tirkîya têna vera kurdan nê vera destkewte û îradeyê beşanê herême yê. Coka ganî ma vera gefan wayîrê tewirê neteweyî û rûmetênî bibê.''